Waa maxay
Cayayaanka tomato russet mite waa cayayaan aad u yar oo aan indhaha lagu arki karin. Wuxuu nuugaa dheecaanka unugyada geedka, wuxuuna badanaa ka bilaabmaa salka geedka kadibna kor ayuu u fidaa. Wuxuu caleemaha iyo jirridda ka dhigayaa midab bunni-dahabi ah, caleemahana wuu engejiyaa, midhahana wuxuu ka dhigaa kuwo qallafsan oo midabka beddela. Haddii aan la xakameyn, geedka wuu dhiman karaa.
Calaamadaha la eegayo
- Jirridda iyo caleemaha hoose oo noqda bunni-dahabi ama midab daxal leh.
- Caleemaha hoose oo qalala, duuduubma oo dhinta.
- Hoosta caleemaha oo yeelata dhalaal cadaan ah ka hor inta aysan madoobaan.
- Midhaha oo noqda kuwa qallafsan, yaryar oo leh midab daxal ah.
- Waxyeellayntiisu waxay u ekaan kartaa biyo yari ama nafaqo yari, maxayeelay Cayayaanka waxaa lagu arki karaa oo keliya muraayad weyneeye (10x–14x).
Goorta uu faafo
Cimilada kulul ee qalalan aya u sahasha inuu ku farcamayo muddo 7 ilaa 10 maalmood ah. Qoyaanka yar, boodhka iyo beeraha cidhiidhiga ah waxay ka caawiyaan inuu si degdeg ah u bato. Wuxuu si gaar ah dhibku u badanyahay xilliyada kulul iyo gudaha greenhouse-yada.
Daaweynta
Hab-beereedka
Toddobaad kasta hubi salka geedka iyo jirridda hoose, gaar ahaan xilliyada kulul ee qalalan. Ka saar geedaha aadka u saameysan, hana ku faafin cayayaanka gacmaha, qalabka ama dharka. Xakamee haramaha tamaandhada la xiriira, waraabkana si fiican u maamul si geedku uusan u daciifin.
Xulashooyinka dabiiciga ah
sticmaal sulphur qoyan (wettable sulphur) si loo xakameeyo, adigoo si fiican u gaarsiinaya caleemaha hoose iyo jirridda. Ha isticmaalin sulphur marka kulaylku ka badan yahay 32°C sababtoo ah wuxuu gubi karaa geedka. Neem oil iyo saabuunta cayayaanka waxay caawin karaan marka saamayntu yar tahay. Waxaa kale oo la isticmaali karaa cayayaan faa’iido leh oo cuna mites-ka. Ka saar oo baabi’i geedaha cudurka qaba.
Waxyaabaha firfircoon
- wettable sulphur
- neem oil (azadirachtin)
- insecticidal soap
Xulashooyinka kiimikada
Isticmaal daawooyinka mites-ka sida abamectin ama spiromesifen marka calaamadaha ugu horreeya la arko. Ku buufi si fiican jirridda iyo hoosta caleenta. Beddel noocyada daawooyinka si looga hortago iska caabbinta.
Waxyaabaha firfircoon
- abamectin
- spiromesifen
- sulphur
Badbaadada
Sulphur wuxuu gubi karaa geedka marka kulaylku ka badan yahay 32°C, sidoo kale ha isticmaalin dhowr toddobaad gudahood kadib buufinta saliidaha. Xidho galoofisyo, masks iyo murayadaha indhaha markaad isticmaalayso sulphur, abamectin ama spiromesifen. Raac muddada sugitaanka ee daawada ka hor goosashada, carruurta iyo xoolahana ka fogee dhirta la daweeyay ilaa ay qalasho.
Sidii looga hortagi lahaa xilliga soo socda
Isticmaal geedo nadiif ah marka la beerayo. Si joogto ah u baar salka geedka, maadaama cayayaanku halkaas ka bilaabmo. Ilaali waraabka , ka saar haramaha iyo haraaga dalagga hore, kana fogow inaad cayayaanka u gudbiso geedo kale adigoo adeegsanaya gacmahaga ama qalab aan nadiif ahayn.